1. Skip to Menu
  2. Skip to Content
  3. Skip to Footer>

Благословление на доброе учение и примерное поведение

 

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.


Песнь

Пресвятой Богородице

Богородице Дево, радуйся, Благодатная Марие, Господь с Тобою; благословена Ты в женах и благословен Плод чрева Твоего, яко Спаса родила еси душ наших.


Тропарь Кресту

и молитва за Отечество

Спаси, Господи, люди Твоя, и благослови достояние Твое, победы православным христианом на сопротивныя даруя, и Твое сохраняя Крестом Твоим жительство.

 

Тропарь Покрову

Днесь, благовернии людие, светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим покровом, и избави нас от всякаго зла, молящи Сына Твоего, Христа Бога нашего, спасти души наша.


Молитва перед началом учения

Преблагий Господи, низпосли нам благодать Духа Твоего Святаго, дарствующаго и укрепляющаго душевные наша силы, дабы, внимающе преподаваемому нам учению, возрасли мы Тебе, нашему Создателю, во славу, родителям же нашим на утешение, Церкви и Отечеству на пользу.

 

Молитва после окончания учения

Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага, и подаждь нам силу и крепость к продолжению учения сего.

 

Десять Заповедей Божих

Аз есмь Господь Бог твой; да не будут тебе бози инии, разве Мене.

2. Не сотвори себе кумира и всякого подобия, елика на небеси горе, и елика на земле низу, и елика в водах под землею: да не поклонишся им, ни послужиши им.

3. Не возмеши имене Господа Бога твоего всуе.

4. Помни день субботный, еже святити его: шесть дней делай и сотворивши в них вся дела твоя, в день же седьмой суббота Господу Богу твоему.

5. Чти отца твоего и матерь твою, да благо ти будет и да долголетен будеш на земли.

6. Не убий.

7. Не прелюбы сотвори.

8. Не укради.

9. Не послушествуй на друга твоего свидетельства ложна.

10. Не пожелай жены искрянного твоего, не пожелай дому ближнего твоего, ни села его, ни раба его, ни рабыни его, ни вола его, ни осла его, ни всякого скота его, елика суть ближнего твоего.

 

Молитвами Пресвятой Владычицы нашей, Богородицы и Приснодевы Марии да поможет тебе Господь Бог в трудном деле учения и послушания.

Да хранит тебя Господь!

 

Воскресная школа